Best að byrja bloggið núna á því að óska Sædísi systur innilega til hamingju með bílprófið sitt sem hún fékk í dag, tók verklega hlutann í morgun og stóðst með glans, villulaust og allt  Til hamingju elskan og velkomin á götur bæjarins, ætla ekkert að grínast neitt með það, það er víst nóg af fólki í fjölskyldunni sem mun gera það  

Þá er loksins allt að komast í rétt horf á þessu heimili en Margrét Birta fór í skólann loksins í morgun eftir að vera búin að vera veik síðan á laugardagskvöld Elín Alma fékk svo að gista síðustu nótt hjá ömmu sinni og afa þar sem henni fannst dáltið vegið að sér að fá ekki sömu þjónustu og systir sín Og fær hún að gista aftur í nótt svo þær séu nú jafnar með tvær nætur að baki sér Þetta er voða sport en ansi skrítið að vera alltaf bara með tvö börn, bara lúxus, mér finnst svo langt síðan ég var bara með tvö börn en ég sakna þess samt voða að hafa þau ekki öll hjá mér Á morgun fæ ég samt að hafa öll börnin mín hjá mér og vildi ég óska þess að ég gæti notið þess en nei þá þurfti kella auðvitað að samþykkja að hafa þessa helgi sem síðustu vinnuhelgina Já ég verð á næturvöktum næstu fjórar nætur og byrja í kvöld kl.23. Vá hvað ég verð fersk í skólanum á morgun til hádegis, en ég á góða að og fæ að leggja mig frá hádegi og til 15, svo ég nái einhverjum svefn En þá er þetta bara búið, á mánudagsmorgun er ég endanlega búin að vinna þar til kannski í sumar eða .... maður veit ekki hvar maður lendir næst Ég ætla samt að nýta þessar nætur mínar að læra undir prófið sem er á miðvikudaginn næsta og kannski sauma aðeins út en það geri ég aldrei vegna tímaskorts nema á næturvöktum

Vildi svo í lokin láta vita að ég setti inn ferlega töff slideshow sem eru um 12 myndir inn á forsíðuna á barnalandinu okkar og eitt nýtt albúm sem heitir, kökurnar okkar Gleður mig að sjá hvað margir hafa lagt leið sína inn á þá síðu og líka kvittað, fólki finnst þetta greinilega mun betra Það var jú málið, að gera þetta auðveldara fyrir alla

Næturvaktakveðjur úr Lönguhlíðinni þar sem allir eru frískir

Já það er óhætt að segja að hér sé alltaf líf og fjör Já á miðvikudaginn fór ég upp á slysó þar sem fóturinn á mér er búinn að vera mér til trafala eða já búinn að hafa verki í honum í töluverðan tíma og svo fyrir stuttu fór hann allt í einu að bólgna og ég var hætt að geta séð kúluna ( kúluna sem er hjá ökklanum á hliðinni ) Ég gafst svo endanlega upp á miðvikudaginn þar sem ég var farin að eiga í erfiðleikum með gang vegna mikilla bólgu og hræðilegra verkja Fór ég í allskonar rannsóknir þ.á.m röntgen, blóðprufu og læknisskoðun en það gerði nú ekki mikið gagn þar sem læknar stóðu og klóruðu sér í hausnum yfir þessu, myndirnar fínar, blóðprufurnar fínar ( semsagt lausar við bólguviðbrögð sem finnast í blóði ). Svo eftirstóð að læknarnir vildu að ég færi á bólgueyðandi, verkjastillandi 20 daga kúr og svo myndu þeir sjá til hvert næsta skref yrði Ég er semsagt ekkert í skýjunum yfir þessu þar sem ég tek yfirleitt ekki inn mikið af lyfjum og þoli þau ekki vel en geri auðvitað þegar nauðsyn ber til og þetta er líka bara einum of sterkt, allaveganna fyrir mig Vóstar er kannski ekki sterkt fyrir flesta en ég verð bara pínu "high" á þeim og fara ekki vel í magann Einmitt reyni að borða sumar máltíðir mjög oft bara til að halda einhverju niðri Ekki svo gaman en þetta verð ég víst bara að láta mig hafa þrisvar á dag..... Bólgan hefur minnkað örlítið og verkirnir en því miður ekki nógu mikið, svo sjáum til hvað gerist eftir 20 daga skammtinn

Svo auðvitað tók Jón Páll upp á því þegar hann kom heim af leikskólanum á fimmtudaginn að ná sér í hita  Já fékk himinháan hita og var veikur líka allan föstudaginn og svona næstum hitalaus á laugardaginn og bara fínn á sunnudag og í gær, sem betur fer Svo kom Helgi Þór og gisti hjá okkur á laugardagsnóttina en hann kom til okkar að laugardagsmorgni og var fram til hádegis á sunnudeginum á meðan foreldrarnir skemmtu sér á haustfagnað Eimskips í Mývatnssveit Þetta var bara fjör en líka pínu erfitt þar sem Jón Páll var ennþá þokkalega pirraður og svo tók Margrét Birta upp á því að veikjast um kvöldið, já bara ældi og ældi og komin með bullandi hita Svo það var svefnlaus nótt númer 2 hjá mér og naut ég þess líka á sunnudeginum að leggja mig aðeins með henni Hún er semsagt ennþá veik með hita en hætt að æla en mjög kvalin allsstaðar Greyið stelpan mín Svo veiktist mamma á sunnudeginum svo þetta er nú bara aldeilis veikindabælið Jói þurfti að vera heima fyrir hádegi í gær svo ég kæmist í skólann og í próf en fór í vinnuna eftir hádegið. Svo þurfti ég að redda mér barnapíu fyrir daginn í dag þar sem ég þurfti að komast í skólann og ætlaði ég að fá að skutla henni til mömmu og pabba á meðan en viti menn mamma hringdi í gærkveldi og bauðst til að taka hana bara strax og láta hana gista svo ekki þyrfti að fara vekja hana og ég gæti kannski sofið til tilbreytingar Oh hvað ég var örlítið hamingjusöm en samt finnst mér erfitt að sofna þar sem litla veika stelpan mín er ekki hjá mér, þó svo ég sakni þess ekki að vera vakin upp á nokkra mínútna fresti á nóttunni Auðvitað gekk þetta eins og í sögu og svaf hún alla nóttina og verður aftur í nótt þar sem hún er ekki enn orðin fullkomlega hitalaus og langur dagur hjá mér í skólanum á morgun Ég fór í hádeginu í dag að hitta hana og svo beint eftir skóla og borðuðum við öll saman hjá þeim í kvöld og fórum ekki heim fyrr en að ganga hálf níu Erfitt að hafa ekki eitt barnið hjá sér sérstaklega þegar það er veikt en svona er það að vera í námi þar sem er nú mætingarskylda

Svo fór Elín Alma í fyrsta afmælisboðið sitt á Íslandi á sunnudaginn, til bekkjasystur sinnar Hún var svo spennt og hlakkaði svo til að mega fara EIN í afmæli og skemmti sér auðvitað konunglega Svo er ég búin að henda nýjasta albúminu inn á barnaland, október albúminu, endilega kíkkið Svo eitt í lokin við viljum óska Einari Geir innilega til hamingju með daginn í dag, hann er 5 ára en veislan verður ekki fyrr en í lok mánaðar svo hægt sé að sameina afmæli þeirra bræðra Til hamingju með daginn Einar minn og auðvitað Dísa, Andrés og Helgi Þór með soninn og bróður

Skrifum fljótt aftur. Bestu kveðjur frá veikindabælinu í Lönguhlíðinni

Já þá er ég búin að opna barnalandssíðuna er slóðin inn á hana www.barnaland.is/barn/66675 og hef ég auðvitað ákveðið að læsa henni en þið komist samt inn á forsíðuna Ég hef ákveðið að hafa lykilorðið þannig að þeir sem þekkja okkur geta auðveldlega farið inn á hana Þeir sem vita hvar við bjuggum þegar Elín Alma fæddist komast inn á hana, þá er ég ekki að meina götuheiti heldur stað Fyrir þá sem eru enn ekki að fatta en eru fíragottar þeir muna kannski hvar ættarmót okkar fræga var haldið þar sem 100% mæting var á og allir skemmtu sér konunglega Munið að hafa bara litla stafi, fyrsti stafurinn er líka lítill. Ef þið fattið þetta engan veginn, sendið mér bara línu og ég gef ykkur lykilorðið Endilega kíkkið á þessa síðu en hún heitir Litla fjölskyldan og mun innihalda fréttir af okkur og myndir. Ekki bara af börnunum heldur okkur öllum Ég er nú þegar búin að setja inn allmörg albúm eins og útskriftarmyndir af mér sem teknar voru á stofu, seinni hluta Englandsferðarinnar, júlí og ágúst albúm, september albúm og brúðkaup Andrésar & Hafdísar. Inn í þessum albúmum er t.d. steggjunin hans Andrésar og margt margt fleira svo endilega kíkkið og kvittið

Í lokin langar mig að óska systur minni til hamingju með daginn en Sædís er 17 ára í dag Við fórum í kaffi til hennar í gærdag og nutum þess að eyða deginum með henni Tengdó komu í mat til okkar í hádeginu í gær og borðuðum við læri saman og fórum svo í kaffi til Sædísar og borðuðum eftirréttinn saman í boði Sædísar Annars er Jón Páll orðinn frískur, hættur að æla og hitalaus og var bara nokkuð brattur um helgina, hress og kátur. Stelpurnar fóru í kirkju með Ólínu á sunnudeginum, sunnudagaskólann á meðan Ólína sat messuna En þess má geta að Sædís systir sér um sunnudagaskólann með Dagnýju vinkonu sinni svo þær voru í góðum höndum stelpurnar mínar Við nutum þess einmitt að vera í pínu afslöppun um helgina, ég ákvað að læra ekkert og hafa það gott með fjölskyldunni, horfðum á fjölskyldumyndir, fórum á formlega opnun Ultratone stofunnar hennar Möggu tengdó og margt fleira Já og Magga til hamingju með þetta, stofan á eftir að blómstra hjá þér

Jæja skrifum fljótt aftur, bestu kveðjur úr skólanum

Dagga

Komið öll blessuð og sæl

Já það er mikið að maður gefur sér tíma til að setjast niður og blogga en ég ákvað að hespa það núna af í tíma á meðan ég hlusta á þessa yndislegu þjóðfélagsfræði En svona til að setja ykkur bara aðeins inn í málin síðan síðast þá var undirbúningur brúðkaups Andrésar, bróðir Jóa og unnustu hans Hafdísar það sem tók mikinn tíma okkar vikuna eftir afmæli Margrétar Birtu Þau voru gefin saman á afmælisdegi Jóa þann 15.september og sögðu þau bæði já Þetta tókst allt vel og gekk vel fyrir sig, sem betur fer þar sem ég stjórnaði frekar mikið. Já ég var veislustjórinn, wedding plannerinn með Hafdísi, söngatriðið ásamt því að stelpurnar voru brúðarmeyjar Já þetta tók sinn tíma í undirbúning og eru þau gift í dag, sem var jú málið með þessu öllu

Annars er það að frétta að ég sagði upp vinnunni minn síðasta föstudagsmorgun en ég fór til læknis á fimmtudeginum eftir veikindi sem vildu bara ekki fara og sagði hann mig þjáðst af spennuhöfuðverk sem afleiðing af allt of MIKLU álagi Hann sagði mig verða að minnka álagið ef ég ætlaði að geta lyft höfði frá kodda á næstunni ásamt því að þurfa taka inn bólgueyðandi, sem voru alltof sterkar að mínu mati. Þannig að í sameiningu tókum við hjónin þá ákvörðun að ég skyldi hætta að vinna þó svo þriðja hver helgi sé í sjálfur sér ekkert mikið, 4 næturvaktir í hverri törn. En þegar kom að því að mæta í skólann ósofin á föstudags- og mánudagsmorgun ásamt því að þurfa stundum að mæta í próf eða skila verkefni þá var það töluvert álag á mig Ég er satt að segja ótrúlega sátt við ákvörðunartöku mína því ég get fengið vinnu hvenær sem ég vil og þarf ég ekki að hafa áhyggjur af þessum helgum meir og yndislegt að vera í fríi eftir prófin um jólin  Stelpurnar voru svo hamingjusamar þegar ég tilkynnti þetta og er strax búið að plana bakstur um helgina

Já það er mikið að gera í skólanum og á ég náttúrulega bara æðislega foreldra sem aðstoða mig á allan hátt í svo ég geti staðið mig sem best í skólanum og er það ómetanlegt og gæti ég þetta ekki nema með þeirra hjálp, ja eða töluvert mikið erfiðara Stelpurnar eru ekki ósáttar við að fá að vera hjá ömmu og afa sem gera alltaf svo vel við þær, hjálpa þeim að læra og ýmislegt fleira skemmtilegt Þær eru svo báðar í fimleikum, Margrét er á mánudögum og miðvikudögum en hún mun trúlega á næstu hópum samt skipta um hóp þar sem hún var sett í rangan hóp, hún er langelst og með meiri líkamlega burði en hinar stelpurnar svo hún fer í annan von bráðar Elín var að byrja líka og er á þriðjudögum, föstudögum og laugardögum og heyrði ég núna síðast að hún væri mjög efnileg eins og systir hennar Þeim finnst þetta algert æði að vera í fimleikum og fá þær bara að halda því áfram eins lengi og þær vilja

Jón Páll vaknaði svo í morgun ælandi og er hann samt svo duglegur að æla bara í klósettið en smá þvagleki er að birtast með þessu og er hann mjög sorgmæddur en pissar orðið alltaf í klósettið Fyrir þá sem vita það þá er litli prinsinn hættur með bleyju og gerast orðið eiginlega aldrei slys og er hann oft þurr á morgnanna og biður um að fá að fara á klósettið, bara glæsilegt

Ætla að fá að leggja fyrir ykkur eina fyrirspurn og vil ég að allir þeir sem lesa bloggið svari mér, bara setja í athugasemdir. Ég er búin að vera velta því fyrir mér hvort ég ætti að stofna bara eina barnalandssíðu sem yrði fyrir öll börnin og fjölskylduna í heild sinni. Mér finnst fólk vera mjög latt að skoða síður barnanna og hvað þá kvitta og segja sumir að þeir nenni ekki að skoða þetta allt o.s.frv. Þannig að ef ég myndi opna svona síðu, mynduð þið skoða hana oftar og kvitta, ef þið þyrftuð bara að skoða eina og það yrði þá fjölskyldusíðan okkar ásamt blogginu okkar ????? Ég myndi samt halda síðunum þeirra opnum ef fólk vill skoða gamlar myndir en þarna mun ég setja inn myndir síðan síðari hluta Englandsferðar og áfram... þetta hjálpar mér líka töluvert mikið að þurfa bara að setja inn á eina síðu í stað þriggja Ég ætla að hafa fréttir líka þar á vefdagbókinni en líka hérna á blogginu. Ég myndi þá skella henni inn sem fyrst og þá er það bara ein síða og ætla ég að ákveða lykilorð sem allir geta munað, semsagt eitthvað sem allir vita sem þekkja okkur, læt ykkur þá vita síðar með það en endilega commentið um hvað ykkur finnst um þetta, hvort þið myndum frekar fara og skoða og kvitta heldur en þið gerið nú ???

Kærar kveðjur

Fjölskyldan í Lönguhlíð 15