Var veikur heima í dag!  Var samt að reyna að koma að einhverju gagni meðan Dagga er undirbúa sig fyrir prófin sem byrja á miðvikudaginn.

Ég er svo að taka þátt í umræðu á Spjallinu hjá Þór um atvikið sem varð í leiknum á laugardaginn.  Menn eru ekki sáttir við það að áhorfendur Þórsara eru gerðir að blóraböggli.  Mér finnst að Ingó(fyrrum KA-maður, núverandi Framari) eigi að fá nokkuð marga leiki í bann miðað við framgöngu sína í leiknum.  Í grein í fréttablaðinu í dag er svo gert að því skóna að þetta sé gæslunni hjá Þór og áhorfendum að kenna sem er að sjálfsögðu þvílíka bullið...

Rakst svo á síðu á netinu...kíkið á hana

JJ - Allur að hressast!

Við hringtorgið á Borgarbraut eru hafnar framkvæmdir við nýja Olís stöð en þess má geta að við hinn endann á Borgarbrautinni er Olís stöð(í um 600 m. fjarlægð).  Samkvæmt heimildum mínum þá mun einnig rísa þarna Samkaupsverslun.  Ég held að Olís sé búið að vera með þessa lóð í 10 ár án þess að gera neitt.  Svo þegar Atlantsolía er farinn að hugsa sér til hreyfingar þá fer Olís að byggja.  Það sagði mér nefnilega maður að þetta væri síðasta lausa skipulagða lóðin fyrir bensínstöð...

Mér finnst það slys að þarna á þessum stað skuli rísa einhver búð og bensínafgreiðsla.

Akureyringar mótmælum þessum vinnubrögðum...við viljum fá tréin aftur á sinn stað.  Reisið þessa bensínbúð annarsstaðar.

JJ - á móti bensínbyggingum

Vegna brunans í Reykjavík er ljóst að við fáum ekki Samsung vörurnar sem við áttum að fá í morgun...sveiattann.  Tollgeymslan hefur verið lokuð í morgun en verður eitthvað afgreitt á morgun...Annars er allt gott að frétta.  Var í tíma í gær hjá honum Erlingi.  Hörkukennari þótt að hann sé ka maður

JJ - Eintómar brunarústir

Um helgina var tekið og þrifið hátt og lágt.  Ljóst er að haldið verður áfram í þessu næstu dagana og þá aðallega í bakstrinu. 

Menn eru allir að koma til...Mikið af fólki er búið að skreyta hjá sér.  Ég set e.t.v. einhverjar myndir inn á vefinn við gott tækifæri...Er í Radionaust er verið að klára að skreyta og allir að verða klárir fyrir jólin.

JJ - Jólahvað?

Fólk er farið að skreyta heima sér og sér maður seríur poppa upp í gluggum víðsvegar um bæinn.  Ekkert nema gott um það að segja.

Dagga var búinn ákveða það að skreyta þann 20. nóvember og var þetta ákveðið í lok september hjá henni....Þannig að ég verð upptekinn eftir vinnu á morgun í jólaskreytingum....*\|:-)

JJ - Í jólastuði!

Varð að láta ykkur vita af henni.  http://isdickcheneydeadyet.com/

Gott mál annars að kennarar séu að hressast.  Heyrði í Reykjavík síðdegis í gær að skólastjórnendur voru beðnir um að fá læknisvottorð hjá þeim kennurum sem ekki mættu á þriðjudag!  Gott mál...það á ekki að leyfa þeim að komast upp með neitt múður.

Þegar ég fór með stelpurnar í leikskólann í morgun þá mætti ég mörgum nemendum sem voru á leiðinni heim úr skólanum.  Skrifað var undir viljayfirlýsingu um að kennarar eigi að fá 130.000 eingreiðslu o.s.frv. strax.  Síðan láta menn skoðun sína svona í ljós með því að skapa öngþveiti á þúsundum heimila með því að vera "veik".  Kennarar eru með þessu að senda skýr skilaboð.  Þeir lýsa vantrausti á forystusveit sína og afþakka þessa eingreiðslu.  Þannig les ég þetta.  Lög eru sett í landinu sem menn eiga að hlýða  og fara eftir og kennarar sem eiga að vera fyrirmynd barnanna okkar hundsa þessi lög.  Treystum við þessum kennurum til að kenna börnunum okkar?  Ég segi NEI!  Ég vil að þessum kennurum sem óhlýðnast lögum eigi að vera sagt upp.

Mótmæli kennara á Ísafirði finnst mér táknrænni og jafnframt áhrifameiri og skapar ekki eins mikla óvild í garð kennara.  Þar mættu allir kennarar nema þeir sem voru svo sannarlega veikir og allir voru þeir klæddir í svart.  Ég tek að ofan fyrir þessum kennurum á Ísafirði 

JJ - ekki á leið í kennarann!

Það má segja að búið sé að hengja vitlausan mann með því að Þórólfur hafi "sjálfur" ákveðið að hætta sem borgarstjóri.  Þetta er eitt það vitlausasta sem R-listinn hefði getað gert. Þórólfur er frábær viðskiptamaður og hefur staðið sig með prýði sem borgarstjóri og sýndi hann það með Tal að hann getur sko rekið fyrirtæki.  Síðan kemur þessi "dúkkulísa" fram í dagsljósið sem borgarstjóri.  Ég verð að segja að m.v. viðtalið við hana í Ísland í dag í gær þá er ég með það á hreinu að Reykjavíkurlistinn verður ekki endurkjörinn við næstu kosningar.  Sjálfstæðismenn hlæja örugglega vel og innilega innra með sér.

Fjölmiðlar ættu núna og grilla forstjóra þessara olíufélaga.  Það á að sækja þessa menn til saka og ætti sektin sem Samkeppnisstofnun leggur til vera notuð í eitthvað nytsamlegt eins og í heilbrigðiskerfið og menntamál.

Höfuðborgarsvæðið er í góðri aðstöðu til að sniðganga olíufélögin með því að versla við Atlantsolíu.  Ég vil fá Atlantsolíu til Akureyrar og vil svo að fólk sniðgangi þessi olíufélög.  Þessar afsakanabeiðnir duga ekki, ekki nóg að taka almenning í rassg**** í mörg ár og halda að ein heilsíðuauglýsing í Fréttablaðinu lagi allt.  Síðan fannst mér afsökunarbeiðni frá Essó(held ég að hafi verið) út í hött.  Það var mynd af starfsfólki Essó og afsökunarbeiðni undir.  Það voru ekki bensíntittirnir sem ákváðu verðsamráðið.  Þessi auglýsing var til háborinnar skammar fyrir viðkomandi.

JJ - með olíu á eldinn!

Nú er maður á fullu í jólaundirbúningi í Radionaust...Mikið að gerast og mikið verður að gera á næstunni.

Ég held áfram í ræktinni og má vænta nýjustu talna á morgun...en þetta hefur farið aðeins hægar niður en ég hélt...en samt niður...tek mig enn meira á í mataræðinu...

kveð í bili...JJ

Komum heim í morgun eftir að hafa gist hjá Gunna og Berglindi í nótt.  Þau er búin að koma sér vel fyrir í íbúðinni sem við eigum út í Hrísey og öfundum við þau gríðarlega af íbúðinni enda gríðarlega gott að vera þarna.  Margrét Birta og Elín Alma skemmtu sér gríðarlega vel!

Takk kærlega fyrir okkur Berglind og Gunni!

Þórsarar stóðu sig gríðarlega vel þegar þeir unnu KA á mjög svo dramatískan hátt.  Halldór Jóhann Sigfússon lét markmann Þórs verja frá sér víti í stöðunni 28-27 þegar fjórar sekúndur voru eftir á leiknum og Þórsarar fóru með sigur af hólmi!

Áfram Þór!

Það verður aldrei hægt að segja að Bandaríkjamenn séu venjuleg þjóð.  Bush hefur farið offari í Írakstríðinu og ljóst er að mannfall Bandaríkjamanna er meira eftir stríð heldur en var í öllu stríðinu.  Bush hefur sett stjórnmálasamband við nokkrar þjóðir í hættu og ljóst er að Bandaríkin njóta ekki sömu virðingu og þau gerðu hér áður fyrr.  Einnig tókst Bush að setja met; mesti fjárlagahalli í sögu Bandaríkjanna. 

Ég sendi Bandaríkjamönnum mínar samúðarkveðjur og vill að lokum benda á þessa slóð(þar sjáið þið afleiðingar þess að hafa kosið Bush): en hann segir að allt fari í rúst eftir kosningar 2004.  Þetta var maður á tímaferðalagi sem var á leiðinni heim frá 1976 til 2036 og stoppaði við árið 2000. 

http://johntitor.strategicbrains.com/TimeMachine.cfm

Það er víst að styttast í leik Þórs og ka í handbolta.  ka vann fyrri leikinn og trúi ég því að Þórsarar sýni sitt rétta andlit eins og á móti Val og vinni leikinn!

Það sem klikkaði í fyrri leiknum var m.a.: kjúklingaháttur í sókninni og svo vörðu markmennirnir lítið sem ekkert.  Mínir menn bæta trúlega fyrir það.

Minni svo fólk sem langar að koma en ætlar að horfa á Idol að þá seljum við videótæki hérna í Radionaust á 9.900 kr.  Á tækjunum er takki sem heitir REC sem gerir þér kleift að horfa á Idol eftir að leik hefur lokið ef spóla hefur verið sett í tækið áður en ýtt var á takkann.

Ég var að hugsa um þennan hræðilega atburð sem gerðist í Kópavogi í gær.  Greyið börnin sem eru 1 árs og 4 ára.  Ekki nóg með að þau hafi missti mömmu sína heldur einnig verður pabbinn í burtu þar sem hann framdi þetta voðaverk.

Ég sendi öllum aðstandendum mínar samúðaróskir og ljóst er að þeim bíður ekki auðvelt verk að þurfa að útskýra þetta fyrir börnunum.