Jæja gott fólk
Kíkkið á þessa síðu http://daggapals.blog.is þetta er síðan sem ég er búin að stofna & verður síðan mín ekki fyrrverandi okkar Jóa Loksins búin að opna mína eigin síðu & ætla að prufa að blogga þar um tíma í stað hér svo þar til annað verður tilkynnt hér, þá blogga ég ekki meir hér um tíma

Adios
Dagga

Jæja best að byrja strax á að segja að aðal fréttir af börnunum verða héðan í frá settar á vefdagbók okkar á barnalandi & er fyrsta færslan nú þegar komin inn Ákváðum að þar gætum við sett meira um krakkana þar sem sú síða er læst en ekki þessi, getum leyft okkur að segja meira & vitum líka að þeir sem komast inn á þá síðu þekkja okkur  Hér verða semsagt svona yfirborðsfréttir af krökkunum & restin á barnalandi Erum líka búin að setja inn febrúar albúm & annað albúm með öskudagsmyndunum, endilega kíkkið á þær

Að öðru þá tókum við Jói þá ákvörðun núna fyrir stuttu að slútta ferðinni okkar núna í febrúar & þegar ákvörðunin var tekið var eins & fargi hefði verið lyft af mér Þetta var auka álag á ekki svo góðum tíma svo við ákváðum að taka pening & leggja til hliðar & leggja smá til hliðar á hverjum mánuði & gera dáltið..... Nei ég ætla ekki að segja nákvæmlega hvað en það er samt ferðalag & að öllum líkindum með krökkunum líka & það verður í kringum lok prófanna minna Ætlum ekki að segja frá því hér fyrr en dregur nær að þó svo foreldrar okkar viti hvað Krakkarnir fá ekki einu sinni að vita neitt fyrr en kannski 2-3 vikum áður en farið verður Vá hvað mig hlakkar til

Búið að vera voða mikið að gera enda mikið af verkefnum núna í skólanum & prófin mín byrja svo líka í næstu viku & verður þannig næstu vikur Næstum því eitt próf á viku, stundum fleiri & verkefnaskil Mér leiðist þetta samt ekki, nú er mikil hópavinna & það er bara skemmtilegt & svo eru líka skemmtileg fög núna Mikið hefur líka verið að gera hjá Jóa, Dekkjahöllinn opnaði líka í Rvk í byrjun vikunnar & Jói fær þá trúlegast fleiri & skemmtilegri verkefni

Berglind vinkona & Gunni eignuðust svo fjórða barnið sitt,strák  1.febrúar & fórum við að hitta þau um kvöldið Algert krútt & þau voru auðvitað alveg í skýjunum & óskum við þeim enn & aftur til hamingju með nýjasta meðliminn & hlökkum til að fara til Hríseyjar í heimsókn til þeirra Helgin var annars bara fín, vorum með bollukaffi á sunnudaginn þar sem tengdafólkið, foreldrar mínir & systkini & amma & afi mættu Á laugardagskvöldið fórum við upp í Vestursíðu til tengdó þar sem Kæja, systir Möggu & Magga voru með kynningu & fórum við fjölskyldan ekki heim fyrr en um kl.23

Svo er vetrarfrí í skólanum hjá stelpunum & er þær núna í kvöld í góðu yfirlæti hjá ömmu & afa Þær sungu auðvitað í gær sem norn & engill, skoðið bara barnaland Svo styttist í að mamma & pabbi fari á vit ævintýranna & Sædís systir verður hjá okkur þá Ætla ekki að hafa þetta lengra núna en skrifa mjög fljótt aftur. Verið góð við hvort annað & hafið það gott

Knús & kossar

Dagga

Hæ hæ

Vildi bara láta vita að ég setti inn nokkrar myndir neðst í janúar II albúmið Endilega kíkkið & svo kemur bara næst febrúar albúm Jæja skrifa meira seinna, ekkert sérstakt að frétta svosem nema bara nóg að gera í skólanum

Adios

Dagga

Jæja þá er enn ein helgin að baki & alltof fljót að líða líka Bóndadeginum eytt með famílíunni & borðuðum við nautalundir & nautafillet eldað á steini & ákváðu foreldrar mínir & systkini að borða líka með okkur Bara enn skemmtilegra, svo hér voru tveir steinar & fullt af kjöti & mikilli stemmingu Við krakkarnir gáfum svo Jóa eina dvd mynd í bóndadagsgjöf, mynd sem honum hefur langað í lengi, Wayne´s world Svo var horft á hana um kvöldið eftir skemmtidagskrá sjónvarpsins Á laugardeginum voru fimleikar hjá Elínu Ölmu eins & aðra laugardaga & þurfti Jói á fund hjá Samfylkingunni um 11 Fórum í búðir & fórum svo til tengdó í kaffi & auðvitað var Möggu minni í mikinn mun um að ég gæti eitthvað borðað & fór umræðan öll þann daginn í heimasíður um þessi efni & hvað hægt væri að gera mikið úr þessum efnum Get ekki verið ánægðari með hvað allir styðja mig í þessu, líður eins & heppnustu konu í heimi Svo var ákveðið fyrir tilstilli Ólínu að leyfa stelpunum að vera yfir nótt hjá henni & auðvitað ömmu & afa Við skruppum samt í afmæli kl.17 hjá Guðrúnu Margréti, 13 ára pía Jói meira að segja skrapp úr veislunni um kl.18 & bar út moggann & kom svo bara aftur Það voru pítsur, salat, flögur & ís í veislunni en ég hélt mig í salatinu þann daginn Svo fóru stelpurnar upp í Vestursíðu & við heim með litla gutta sem var að fíla það í botn að eiga okkur einn Við Jói spiluðum fullt & Jón Páll fékk að horfa á uppáhaldsefnið sitt í sjónvarpinu & var voða ánægður með það Sváfum svo til 10 um morguninn Ég bakaði svo brauð í hádeginu & tók með mér upp í Vestursíðu, en það var sko algjört æði & fannst fólkinu það líka gott Skruppum svo á tónleika í Glerárkirkju kl.16 þar sem æskulýðskórinn, barnakórinn, Hjalti söngvari, Ína söngkona & Birgitta Haukdal þöndu raddböndin & sungu fyrir okkur frábær disney lög  Þetta voru fjáröflunartónleikar kórsins en þau eru að fara til Þýskalands í sumar

Svo styttist óðum í febrúar mánuð & það er sko busy mánuður Þá byrja hlutaprófin mín, pabbi 50 ára, Magga 50 ára, mamma & pabbi fara til London & við trúlega líka  Annars er bara allt gott að frétta af öllum, sárið hjá Jóni Páli gróir vel, stelpurnar að brillera í fimleikum & fá svo að byrja í barnakór Glerárkirkju í næstu viku Jæja segjum þetta gott í bili, best að halda áfram að lesa fyrir morgundaginn

Bestu kveðjur

Dagga

Til hamingju karlmenn með daginn í dag Ætli flestir karlmenn séu ekki búnir að tjá konum sínum það hvað þeir vilji fá að borða í kvöld, hvaða sjónvarpsstöð þeir vilja o.s.frv. Ég var ein af lélegu eiginkonunum & færði bónda mínum ekki morgunmat í rúmið enda frekar erfitt þar sem hann þarf að vakna um 5 leytið Var ekki að nenna því Jón Páll var svo góður eða þannig & vaknaði um 6 í morgun en þar sem mogginn var ekki kominn fór Jói með strákinn okkar fram & setti Simpson myndina í með íslensku tali svo ég fengið að kúra örlítið lengur eða þar til hann færi í moggann Ég á náttúrulega bara yndislegasta & besta manninn fyrir mig Ég ætla samt að vera góð eiginkona í hádegi & fara með hann & leyfa honum að velja sér eitthvað að borða & svo fær hann góðan mat í kvöld Hann fékk að velja hvað yrði í matinn & urðu nautalundir fyrir valinu, ætlum að vígja steininn okkar & elda þær þannig, ætla meira að segja að gera bernaise sósu frá grunninum eins & á veitingastöðunum þar sem ég má ekki borða pakkasósuna Svo verður bara horft á góða mynd í kvöld í faðmi fjölskyldunnar & haft það kósý

Verð að segja frá einu sem gerðist í morgun Við vorum að taka okkur til & var ég búin að klæða Jón Pál í flíspeysuna & húfuna & fór inn til að slökkva ljósin & Jói & Jón Páll löbbuðu út. Svo fer ég út í bíl, búin að loka & allt & heyri að Jói er eitthvað að kalla á mig sem ég heyri ekki hvað Þegar ég kem að bílnum þá sé ég hvar Jói er að dusta snjó af sokkunum hans Jóns Páls & segir skömmustulega að hann hafi farið með barnið svona út Segist ekki hafa athugað það hvort hann væri í skóm þar sem hann hélt bara að hann væri í skóm af því hann væri í flíspeysunni & í húfunni Svo Jói þurfti að hlaupa inn & ná í nýja sokka & útiskóna þar sem hann var orðinn vel blautur í fæturnar af að hafa labbað svona út í bíl Jói sagði að hann hefði ekkert sagt nema " úff detta " semsagt honum fannst hált greinilega Jón Páll var samt voða sár við pabba sinn & var í því að reyna dusta af fótunum sínum á meðan Jói hljóp inn & líkaði þetta ekki alveg Jebb svona getur fólk stundum verið að flýta sér þegar allir þurfa að vera komnir út í bíl 20 mín. fyrir 8

Jæja karlmenn, njótið dagsins & látið konurnar snúast í kringum ykkur eins & þið getið & gerið svo slíkt hið sama við hana á konudaginn Jói & Jón Páll, við Margrét Birta & Elín Alma elskum ykkur endalaust & hlökkum til að eyða kvöldinu með ykkar Ekki má gleyma pabba & tengdapabba, bestu kveðjur til ykkar líka, okkur þykir líka rosa vænt um ykkur

Bóndadagskveðja

Dagga, Margrét Birta & Elín Alma

Sæl veriði

Alltaf nóg að gera á þessum bæ en til að byrja með þá henti ég inn í gærkveldið nýjum janúar myndum inn á barnaland & eru þær í janúar II albúmi Í gærkveldi fór ég einnig með litla strákinn minn á slysadeildina en hann hafði skorið sig um daginn á dúkahníf Þannig var mál með vexti að þau systkinin, Margrét Birta & Jón Páll sátu við skrifborðið í Drekagili & voru að teikna góð saman & svo heyrist allt í einu væl & þegar ég fer til hans sé ég bara blóð á hendinni hans Ég fór strax að reyna stöðva blæðinguna sem gekk treglega & róa hann niður en hann var nú alger hetja samt Ég sá ekki þá hversu djúpt skurðurinn var en ákváðum að setja vel yfir þumalinn af plástrum til að stöðva blæðinguna Margrét Birta var í meira sjokki heldur en hann & grét bara greyið & sagði þetta vera sér að kenna Hún tók nefnilega dúkahnífinn & ýtti blaðinu upp án þess að vita hvað þetta var, hélt þetta vera penna þar sem hann var svona mjór Jón Páll ætlaði svo að rífa hann af henni um leið áður en hún náði að setja blaðið aftur niður & þannig atvikaðist þetta leiðindaslys nú Hann var bara brattur en hlífði puttanum & um kvöldið þegar ég ætlaði að setja nýjan plástur þá var ennþá blæðing & mér fannst þetta vera pínu djúpt svo ég fór með hann upp á slysó Jón Páll stóð sig eins & hetja & leyfði þeim alveg að þrífa þetta, skoða, klípa í taug & alles án þess að væla eða neitt, alger hetja Læknirinn sagði hann ekki mega hafa farið dýpra hnífurinn né mikið til hliðar þar sem taug liggur þarna & hefði þá skorið á hana Við eigum svo að halda þessu hreinu í viku & fylgjast með sýkingareinkennum en annars er hann bara fínn kallinn

Á mánudaginn fékk ég svo úr niðurstöðum blóðprufunnar & ætla ég ekki að fara útlista því öllu hérna en í stuttu máli þá koma allt vel út nema mótefnamælingin sem var eitthvað skrítin víst, svo ekki var hægt að segja af né á..... Svo til að kanna það með fullkominni vissu er ég nú komin á glútenlaust fæði í að minnsta kosti 6 mánuði & fer þá aftur í magaspeglun & ef skeifugarnabólgan verður horfin þá er þetta einhvers konar glúten óþol, sem hann telur líklegast þar sem mér líður svo mikið betur núna án glútensins Þetta mun taka tíma að læra á allt þetta en það kemur & það að mér líður betur núna en mig hefur gert í svo mörg ár skiptir öllu

Jæja læt þetta nóg í bili, endilega kvittið svo í gestabókina hjá okkur á barnalandi & leyfið okkur að vita hverjir eru að skoða & fylgjast með okkur

Bestu kveðjur

Dagga

Jæja gott fólk, þá er enn ein vikan liðin & ég ekkert búin að blogga síðan fyrir viku síðan Hef ekki alveg haft tíma en ákvað að gefa mér núna tíma á meðan frímínúturnar eru í skólanum Sit hérna í eigindlegum rannsóknaraðferðum & eftir þann tíma er ég búin í dag í skólanum Verð samt að sleppa ræktinni í dag þar sem strákurinn er veikur heima & er Jói bara heima núna á meðan ég fór í skólann Hann er með hita & kvef en hann hlýtur að hrista þetta fljótt úr sér, það voru víst mikil veikindi í leikskólanum fyrir helgi

Síðasta vika var bara ágæt, Jói að vinna til 18 alla síðustu viku & svo á laugardaginn líka Höfðum það bara fínt um helgina, mamma, pabbi & Sædís komu í mat til okkar á föstudagskvöldið & horfðu á með okkur um kvöldið fjölskyldumynd & fóru ekki heim fyrr en um ellefu leytið  Stelpurnar fóru svo í afmæli til vinkonu sinnar á laugardaginn & á meðan skruppum við hin til tengdó Tókum að okkur aukahverfi í mogganum sem ég & krakkarnir tókum um kvöldið & svo eftir hann var farið aftur til tengdó því stelpunum langaði að fara, enda misstu af því um daginn, & var keyptur ís handa liðinu Það var sko vel borðað af honum & var voða gaman hjá öllum en við fórum heim um tíu leytið til að baða liðið & koma þeim í háttinn Í gær komu svo foreldrar okkar, Svandís, Ólína, Sölli & Sædís til okkar í kaffi en ég hafði bakað heilan helling & það allt úr glútenfríu & var bara nokkuð gott Við vorum með súkkulaðiköku, gulrótarköku, vöfflur, epla-& marsipan múffur & jógúrtkökur & svo var þessu skolað niður með kakó eða kaffi Áttum bara notalega stund saman yfir öllu saman, alveg bráðnauðsynlegt að koma svona saman

Svo erum við hjónakornin að hugsa um að skella okkur til London í næsta mánuði, bara í nokkra daga Förum trúlega suður eftir skóla hjá mér þriðjudaginn 19.feb & út morguninn eftir & kæmum heim á konudaginn eða 24.feb sem er einmitt afmælisdagur tengdamömmu, verður 50 ára Fengum sko samþykki fyrir því að mega fara hennar vegna enda ætlar hún ekki að halda neitt upp á það Við ákváðum að nýta okkur gjafabréfið okkar sem við fengum þegar við keyptum bílinn okkar á síðasta ári en við þurfum að vera búin að nýta okkur það fyrir 15.mars & er þetta eini tíminn sem kemur til greina fyrir okkur, ja eða mig út af skólanum Ætlum bara að fara til að slaka á, skoða okkur um & skreppa kannski á sýningu & bara rómó ferð, kannski kíki smá í búðir Hlakka bara til að fá smá frí Mamma & pabbi verða svo góð að vera með börnin fyrir okkur en þau koma heim daginn áður en við förum suður

Jæja nóg í bili, verð svo duglegri með update á okkur héðan

Skólakveðjur

Dagga

Jæja best að byrja á að ég setti nokkrar fleiri myndir inn á barnaland, neðst í janúar albúmið Endilega kíkkið & auðvitað kvittið þær eru dáltið flottar, sérstaklega af þeim feðrum hér

Helgin var bara fín, afslöppun, þrif & góðar samverustundir með familíunni, getur það verið eitthvað betra, held ekki Saknaði þess samt að fara ekki í ræktina um helgina svo það er kannski bara spurning að við leitum kannski í geymslunni að snjótþotum & notum helgarnar í að fara í skemmtilega göngutúra með krökkunum, nota kannski fæturnar í stað bílsins til að fara í búð um helgar Var einmitt fyrsta helgin, vonandi af mörgum, sem ekki var keypt neitt nammi né gos Létum krakkana bara fá pening, 200 kr hvert & leyfðum þeim að ráða hvort þau notuðu hann í nammi eða setja í baukinn & þau völdu það sjálf að setja frekar í baukinn Krakkarnir eru meira líka fyrir popp & svala á kvöldin heldur en nammi, það meyglar svo bara hér upp í skápum þannig að þetta er bara fínasta lausn Ég bakaði svo æðislega súkkulaði köku hérna á laugardaginn til að hafa í eftirmat & var hún glútenfrí, semsagt notað glútenlaust hveiti, rosa góð bara Eins var nú pítsan okkar hjóna bara með spelti & engu geri & svo bara kjúkling & grænmeti Með betri pítsun sem við höfum smakkað, ætlum samt að prufa frekar glútenfría hveitið næst í pítsu þar sem ég virðist ekki þola speltið neitt voða vel svo maður prófar sig bara áfram

Ólína gisti hjá okkur á laugardagskvöldið & höfðum við það gott hérna með henni Svo á sunnudeginum fór Ólína & stelpurnar á flakk saman, í glerártorg & löbbuðu svo upp í Vestursíðu þar sem við komum svo öll saman & borðuðum saman Við komum með lasagna & salat & tengdó með grísalundir Yndisleg stund yfir góðum mat

Svo eru víst verkefnin að byrja á fullu í skólanum þótt hann hafi bara byrjað í síðustu viku, fyrstu verkefnaskilin eru á föstudaginn í afbyggingu, er að reyna koma mér inn í málin enda erum við 6 í hóp & eigum að skila verkefni saman Annars er þetta bara fín byrjun, skóli & ræktin beint á eftir & samt búin flest alla daga kl. 13 með bæði Er líka komin á fætur á morgnanna um hálf sjö & bara miklu ferskari fyrir vikið & er meira að segja farin að prufa annað slagið að fara að sofa fyrir miðnætti

Jæja meira síðar, best að fara drífa sig í rúmið til að vera ferska í fyrramálið

Kveðja

Dagga

Jæja gott fólk

Er ekki bara spurning um að hafa notalega helgi  Jú ég bara held það barasta Ég er svo ánægð & best að segja ykkur það líka að ég er formlega búin að standast alla áfangana mína þessa önnina & meira segja vel það í sumum Allar 15 einingarnar Náði prófinu sem ég fór í á miðvikudaginn & þar með búin að ná öllu saman Skólinn byrjaði á fimmtudaginn hjá mér & lá leiðin svo beint í Átak & tekið á Oh hvað það var gott & er þetta sko komið á stundaskrána með skólanum  Fór heim & bakaði þetta frábæra speltbrauð, eldaði góðan mat, svæfði börnin & áttum svo notalega kvöldstund með tengdamömmu yfir speltbrauði & grænmetisbakka

Dagurinn í dag hjá mér fór að vísu að mestu í að liggja í rúminu með allt slökkt & teppi fyrir gluggum Vaknaði svona í morgun, höfuðið þungt eins & blý, þoldi enga birtu & engin hljóð Með hjálp yndislegrar tengdamömmu & Ólínu gat ég náð þessu úr mér & seinnipartinn gat ég loksins farið á fætur & gert eitthvað Eldaði & naut svo kvöldsins með krökkunum & eiginmanni yfir skemmtilegri mynd & poppi Elín var í fimleikum í dag & kom heim með skrámur, bólgu & mar á hnéi eftir að hafa meitt sig í fimleikum en hún jafnaði sig nú um kvöldið  Litla stelpan meiddi sig svo aftur í kvöld hérna heima á baðinu, hún rann til á baðherbergisgólfinu & datt aftur fyrir sig & lenti á sturtunni ( flísalagða kantinum meðfram sturtunni ) & fékk töluvert högg, hún er mikið rauð, bólgin & skrámuð en hún er svo mikill nagli að hún harkaði þetta af sér með hjálp kaldra bakstra & verkjastillandi krems Hún ætlar sér nú samt í fimleikana í fyrramálið þetta hörkutól Dagurinn á morgun fer í það að við fjölskyldan ætlum að þrífa íbúðina hátt & lágt eftir jólin, koma öllu í flott stand svo okkar daglega vikuplan í þrifum geti haldið áfram

Jæja góða nótt allir saman & hafið það gott um helgina Vildi bara láta vita að janúar albúm er komið á barnaland en ég gleymdi að nefna það síðast & enginn kvittar svo ég vildi bara nefna það

Kveðjur

Dagga & co

Já skólinn að byrja á morgun en ég var samt í prófi í dag & ætla ekkert að segja um það hvernig mér gekk, maður veit það víst aldrei fyrr en einkunin kemur Margrét Birta fór svo til læknis í dag með pabba sínum en tíminn var á sama tíma & ég var í prófinu í dag. Ástæðan var fyrir læknisheimsókninni var ekki alvarlega, bara varta á hæl en var á þannig stað & bara þannig að hún meiddi hana oft Læknirinn skóf aðeins af henni & frysti & sagði henni svo að fara í fótabað á tveggja daga fresti, nota rasp & svo vörtuplástur yfir Hún sagði mömmu sinni það sko um leið & ég kom úr prófinu hversu hugrökk hún hefði verið hjá lækninum Hún var voða stolt af sjálfri sér & má sko alveg vera það Hún fór svo gallvösk í fimleikana í dag & fékk þá þær upplýsingar að það væri búið að setja hana í annann hóp & æfir hann á þriðjudögum frá kl.18-19 & á miðvikudögum frá kl.16:30 - 17:30 Leiðinleg tímasetningin á þriðjudögum en sem betur fer bara einu sinni í viku þannig

Ég ætla svo að fara snemma að sofa í kvöld, semsagt bara núna eftir smá stund þar sem skólinn hjá mér byrjar kl.8:10 í fyrramálið & svo bara ræktin strax á eftir Oh hvað mig hlakkar að byrja aftur í ræktinni, það er svo gott að hreyfa sig svona á hverjum degi, ég virkilega þarfnast þess að fá meiri orku & vonandi betri svefn með þessu til að þessi önn verði mikið betri en sú fyrri Hún gekk en vildi að hún hefði gengið betur, erfitt oft að sætta sig við 6,7 & 8 þegar maður er vanur 8,9 & 10 en það er bara planið núna

Jæja ætla að drífa mig í bólið, taka til fyrir daginn & morgun & ná góðum svefn þar sem síðasta nótt fór í lærdóm

Skólakveðjur

Dagga

Já nú er allt að komast í vanann aftur, það er bara ágætt þó svo ég eigi eftir að sakna til að byrja með ljósanna sem prýða bæinn í þessu myrkri Ég er búin að vera í dag að taka niður jólaskraut & ganga frá því & þvílíkur tómleiki á heimilinu, manni finnst heimilið vera orðið tómt Á vissan hátt er þetta fínt, auðveldara að þrífa en það var orðið mikið erfiðara þar sem við erum ekki í það stórri íbúð en þetta var nú samt svo notalegt að hafa alla þessu fallegu jólamuni & jólaljós uppi, það lýsti alveg upp dimmasta tímann Sem betur fer er víst daginn að fara að lengja aftur

Annars fór helgin bara í algera leti, fórum á föstudaginn í afmælisveislu til Ólínu, systir Jóa, en hún var 14 ára þá Auðvitað á ég bara bestu tengdamömmu í öllum heiminum & haldið ekki að hún hafi hugsað helling um mann, bakaði 2 tertur ásamt heitum rétti úr spelti svo ég gæti nú fengið mér líka Gull af konu, ekki annað hægt að segja um hana Á laugardeginum var bara haft það fínt, sofið út & slakað á Stelpunum var svo boðið í náttfatapartý til vinkonu sinnar, Söru Berglindar en hún hefur fengið að gista hjá okkur & verið mikið að leika við þær & einstaka sinnum verið hér heilan dag Þær fóru um kvöldmataleytið & borðuðu pítsu & voru ekki komnar heim fyrr en kl.16 daginn eftir Það var voða skrítið að hafa þær ekki hjá okkur en voða rólegt samt & naut Jón Páll þess að eiga okkur með húði & hári Fórum seint að sofa & vöknuðum seint, bara dekur Borðuðum svo góðan mat um kvöldið & fórum svo til mömmu & pabba í smá tertu & leyfðum krökkunum að fara út hjá þeim & halda á blysum, afgangnum síðan á gamlárskvöld Krakkarnir fóru svo ánægðir heim & beint í rúmið, enda skóladagur daginn eftir Svo er bara foreldradagur á morgun þannig að þær verða heima með múttunni sinni á morgun & svo förum við Jói með þær í viðtöl kl.13 & 13:20 Fáum örugglega bara góðar fréttir af þessum englum okkar Fyrsta fimleikaæfingin á þessu ári var svo í dag & fór Margrét Birta á hana kl.17 & með svo stórt bros enda í nýja fimleikabolnum, stuttbuxunum & í nýja henson fimleika gallanum á leiðinni Það einfaldlega geislaði af henni Elín fer svo á morgun á æfingu

Ætli maður læri svo ekki eitthvað fyrir þetta blessaða rökfræðipróf á morgun en ég fer í það á miðvikudaginn & svo byrjar bara skólinn á fimmtudaginn, hlakka bara til Ég er svo heppin að ég byrja eiginlega alltaf í skólanum kl.8 & er búin frá 11-12 á morgnanna svo maður kemst beint í ræktina áður en þarf að ná í börnin í skóla & leikskóla, bara fullkomið Er ekki áramótaplanið hjá flestum að komast í form, það er ekki neitt plan hjá mér, bara byrja & svo sér maður hvernig fer.... Þá verður maður ekki fyrir neinum vonbrigðum með sjálfan sig yfir að hafa brotið heitið sem maður gaf

Hafið það svo gott & takk kærlega fyrir upplífgandi viðbrögð við síðustu færslu, gott að vita að maður á góða að & ég er sko alveg hætt að hafa neinar áhyggjur, þetta fer bara eins & það fer & verður bara fínt á hvorn veginn sem er

Nýárskveðja

Dagga